Yanvarın 13-də Ordubad rayonunun Vənənd kəndində yeni xidmət mərkəzi istifadəyə verilib. Xidmət mərkəzində gözəllik salonu, bərbərxana, dərzi, ət satışı yeri, ərzaq, sənaye və təsərrüfat malları mağazaları, eləcə də 3 anbar yerləşir. Mağazada ərzaq və sənaye malları ilə yanaşı, kənddəki ailə təsərrüfatlarında istehsal olunan müxtəlif çeşidli məhsullar üçün ayrıca bölmə yaradılıb.

   Muxtar respublikada Naxçıvan xalçaçılıq məktəbinin öyrənilməsi, təbliği və inkişaf etdirilməsi sahəsində həyata keçirilən tədbirlər xalçaçılıq sahəsində maddi və mədəni irsin qorunması, yeni iş yerləri yaradılması, xalçaçılıq sahəsində ixtisaslı kadrların formalaşması, “Naxçıvan Xalçasının” rəqabət qabiliyyətinin və ixrac potensialının artması, Naxçıvanın tarixi xalçaçılıq mərkəzinə xas olan qədim çeşnilərin bərpa edilməsi və tarixi adın özünə qaytarılması yeni mərhələnin başlanğıcına çevrilmişdir. 

   Naxçıvan şəhərinin Heydər Əliyev prospektində təşkil olunan bayram şənliyində şən mahnılar səsləndirilib, muxtar respublikada fəaliyyət göstərən 26 istehsal və xidmət müəssisəsi, eləcə də ailə təsərrüfatları tərəfindən əhaliyə ictimai-iaşə xidməti göstərilib.

   İqtisadiyyat Nazirliyində təşkil  edilmiş 6 həftəlik  istehsalat təcrübəsi başa çatıb. Bu məqsədlə dekabrın 30-da "Naxçıvan" Universitetində yekun tədbiri keçirilib. Tədbirdə muxtar respublika iqtisadiyyatının inkişafı istiqamətində görülən məqsədyönlü işlərdən danışılıb, insan kapitalının formalaşması üçün istehsalat təcrübəsinin önəmi vurğulanıb. 

   Dekabrın 28-də Kəngərli rayonunun Böyükdüz kəndində yeni xidmət mərkəzi istifadəyə verilib. Xidmət mərkəzində bərbərxana, gözəllik salonu, dərzi, ət satışı yeri, ərzaq, sənaye və təsərrüfat malları mağazaları, eləcə də 2 anbar yerləşir. 

   Naxçıvan Muxtar Respublikası Ali Məclisi Sədrinin 2014-cü il 19 dekabr tarixli “Muzeylərlə əlaqələrin daha da gücləndirilməsi haqqında” Sərəncamına uyğun olaraq dekabrın  28-də İqtisadiyyat Nazirliyinin kollektivi Naxçıvan Biznes Mərkəzində olublar. 

   Dekabrın 28-də Naxçıvan Muxtar Respublikası İqtisadiyyat Nazirliyinin əməkdaşları, "Xəyal" və "Nuh yurdu" iaşə obyektlərinin nümayəndələri 31 Dekabr – Dünya Azərbaycanlılarının Həmrəylik Günü və Yeni il münasibəti ilə  Əlahiddə Ümumqoşun Ordunun əsgərləri ilə görüşüb, onlara bayram sovqatı təqdim ediblər.

   26 dekabr 2019-cu il tarixdə Türkiyə Respublikasının Ticarət naziri Ruhsar Pekcan və onu müşayiət edən nümayəndə heyətininin ölkəmizə səfəri çərçivəsində Bakı Biznes Mərkəzində Azərbaycan Respublikası İqtisadiyyat naziri Mikayıl Cabbarovla görüşü keçirilmişdir. Görüşdə Naxçıvan Muxtar Respublikası İqtisadiyyat naziri  Tapdıq Əliyev iştirak etmişdir.

   Bugün də məhsul bolluğu və alıcı sıxlığı ilə müşahidə olunan yarmarkada 140 ailə təsərrüfatının və 42 sahibkarlıq subyektinin müxtəlif növ və çeşiddə məhsulları böyük rəğbətlə qarşılandı.